ആന്‍ഡ്രോയ്ഡ് - വിന്‍ഡോസ് കമ്പ്യൂട്ടറുമായി സാംസങും

സോണിയുടെ വയോ ഡ്യുവൊ 13 നെപ്പോലെ കീബോര്‍ഡും ടാബ്‌ലറ്റും സ്ലൈഡ് ചെയ്യാവുന്ന രീതിയിലാണ് ഇതിന്റെ നിര്‍മിതി. മാത്രമല്ല, കീബോര്‍ഡില്‍ സാധാരണ കാണാറുള്ള ടച്ച്പാഡുമില്ല. കീബോര്‍ഡിന്റെ മധ്യത്തിലുള്ള ഒരു ട്രാക്ക്പാഡിന്റെ രൂപത്തിലാണ് മൗസ്. ഇതും വയോ ഡ്യുവൊ 13 നെ അനുകരിക്കുന്നു. 

ടാബ്‌ലറ്റില്‍ സ്‌റ്റൈലസ് ഉപയോഗിക്കാനും കഴിയും. 'സ്മാര്‍ട്ട് സിങ്ക്' ഫീച്ചര്‍ സാധ്യമാകയാല്‍, യൂസര്‍മാര്‍ക്ക് അറ്റിവ് പിസി ഉപയോഗിച്ച് തങ്ങളുടെ സ്മാര്‍ട്ട്‌ഫോണ്‍ നിയന്ത്രിക്കാനും സാധിക്കും. നിങ്ങളുടെ ആന്‍ഡ്രോയ്ഡ് സ്മാര്‍ട്ട്‌ഫോണ്‍ ബാഗിലാണ് എന്നിരിക്കട്ടെ. ഫോണിലെത്തുന്ന ടെക്‌സ്റ്റ് മെസേജിന് കമ്പ്യൂട്ടറുപയോഗിച്ച് മറുപടി നല്‍കാനാവും. 

നാല് വ്യത്യസ്ത മോഡില്‍ വെയ്ക്കാന്‍ പാകത്തിലുള്ള ഡിസൈനാണ് അറ്റിവ് ക്യുവിന്റേത്. കീബോര്‍ഡിന് മേല്‍ നിവര്‍ത്തിവെച്ചാല്‍ ടാബ്‌ലറ്റ് മോഡായി. ലാപ്‌ടോപ്പിലെ പോലെ കീബോര്‍ഡിന് 90 ഡിഗ്രിയില്‍ സ്‌ക്രീന്‍ ഉയര്‍ത്തിവെയ്ക്കാം. ഡിസ്‌പ്ലെ നിങ്ങള്‍ ആഗ്രഹിക്കുന്ന കോണില്‍ കാണാന്‍ പാകത്തില്‍ ചെരിച്ച് വെയ്ക്കാം. അല്ലെങ്കില്‍ ഡിസ്‌പ്ലെയെ ഫ്ലാപ്പ് ചെയ്ത് സ്റ്റാന്‍ഡ് മോഡിലും വെയ്ക്കാം. 

അറ്റിവ് ക്യുവിന്റെ വില എത്ര വരുമെന്നോ, എപ്പോഴേക്ക് വിപണിയിലെത്തുമെന്നോ ഉള്ള ഒരു സൂചനയും സാംസങ് നല്‍കിയിട്ടില്ല. 
വലിപ്പം 13.3 ഇഞ്ച്, കനം 13.9 മില്ലീമീറ്റര്‍, ഭാരം 1.29 കിലോഗ്രാം. സാംസങ് ലണ്ടനില്‍ അവതരിപ്പിച്ച 'അറ്റിവ് ക്യു' ( Ativ Q ) ഒരേസമയം ടാബ്‌ലറ്റുമാണ്, ലാപ്‌ടോപ്പുമാണ്. മാത്രമല്ല, ഗൂഗിളിന്റെ ആന്‍ഡ്രോയ്ഡിലും മൈക്രോസോഫ്റ്റിന്റെ വിന്‍ഡോസ് 8 ലും ഇത് പുഷ്പംപോലെ ഓടും! എല്ലാ അര്‍ഥത്തിലും സങ്കരമെന്നര്‍ഥം. 

'ഇന്റല്‍ കോര്‍ ഐ 5' പ്രൊസസര്‍ കരുത്ത് പകരുന്ന ഈ പേഴ്‌സണല്‍ കമ്പ്യൂട്ടറിലുള്ളത് 1800 X 3200 പിക്‌സല്‍ റെസല്യൂഷനിലുള്ള ക്യുഎച്ച്ഡി പ്ലസ് ( qHD+ ) ഡിസ്‌പ്ലെയാണ്. 4 ജിബി റാമും 128 ജിബി എസ്എസ്ഡി സ്റ്റോറേജുമുള്ള അറ്റിവ് ക്യുവില്‍ 720 എച്ച്ഡി ക്യാമറയുമുണ്ട്. 

ഒരേസമയം വിന്‍ഡോസ് 8 ലും ആന്‍ഡ്രോയ്ഡിലും പ്രവര്‍ത്തിക്കുന്ന 'ട്രാന്‍സ്‌ഫോര്‍മര്‍ ബുക്ക് ട്രയോ' എന്ന പേഴ്‌സണല്‍ കമ്പ്യൂട്ടര്‍ അസ്യൂസ് കമ്പനി അവതരിപ്പിച്ചത് ഈ മാസം ആദ്യവാരത്തിലാണ്. ആ പാതയിലേക്ക് കൂടുതല്‍ കമ്പനികളെത്തുന്നു എന്നാണ് സാംസങിന്റെ പുതിയ കമ്പ്യൂട്ടര്‍ നല്‍കുന്ന സൂചന. 

വിന്‍ഡോസ് 8, ആന്‍ഡ്രോയ്ഡ് ജെല്ലി ബീന്‍ 4.2.2 എന്നിവയാണ് അറ്റിവ് ക്യുവിലെ ഒഎസുകള്‍. ഇതില്‍ ഏത് ഒഎസിലേക്കും അനായാസം ബൂട്ട് ചെയ്യാന്‍ ഉപയോക്താവിന് കഴിയും. വിന്‍ഡോസ് 8 സ്റ്റാര്‍ട്ട് സ്‌ക്രീനിലേക്ക് ആന്‍ഡ്രോയ്ഡ് ആപ്ലിക്കേഷന്‍ വേണമെങ്കില്‍ കൊണ്ടുവെയ്ക്കാനും സാധിക്കും. 

വരുന്നു ഗാലക്‌സി നോട്ട് 3

സപ്തംബര്‍ നാലിന് ബര്‍ലിനില്‍ നടക്കുന്ന ചടങ്ങിലാണ് 'ഗാലക്‌സി നോട്ട്-3' ഔദ്യോഗികമായി അവതരിപ്പിക്കുക. എന്നാല്‍, ഇക്കാര്യം പറയാതെയുള്ള ക്ഷണക്കത്താണ് സാംസങ് മാധ്യമങ്ങള്‍ക്ക് നല്‍കിയിരിക്കുന്നത്.

'Samsung Unpacked 2013-episode-2' എന്ന തലക്കെട്ടിലാണ് ക്ഷണക്കത്ത്. 'Note the date' എന്ന് പ്രത്യേകമായി എടുത്തുപറയുന്നുമുണ്ട്. ഇതില്‍നിന്നാണ് 'നോട്ട്-3'യുടെ രംഗപ്രവേശമാണ് കമ്പനി ഉദ്ദേശിക്കുന്നതെന്ന് വെളിപ്പെടുന്നത്.

സപ്തംബര്‍ ആറുമുതല്‍ 11-വരെ ബര്‍ലിനില്‍ ഇന്റര്‍നാഷണല്‍ ട്രേഡ് എക്‌സ്‌പോ 'IFA-2013'നടക്കുന്നുണ്ട്. ഇതിന് രണ്ടുദിവസം മുമ്പാണ് സാംസങ്ങിന്റെ ചടങ്ങ്. 'നോട്ട്' പരമ്പരയിലെ ആദ്യ രണ്ട് മോഡലുകളും ഇതേ രീതിയില്‍ത്തന്നെയാണ് അവതരിപ്പിച്ചിരുന്നത്.

'ഗാലക്‌സി-എസ് 4' ഏതാനും മാസങ്ങള്‍ക്കുമുമ്പ് പുറത്തിറക്കിയപ്പോള്‍ 'എപ്പിസോഡ്-1' എന്നാണ് കമ്പനി വിശേഷിപ്പിച്ചിരുന്നത്. തുടര്‍ന്ന് സാംസങ് പുറത്തിറക്കുന്ന പ്രധാനമോഡല്‍ നോട്ടിന്റെ പുതിയ പതിപ്പ് ആയിരിക്കുമെന്ന് അന്നുമുതല്‍ പ്രചാരണമുണ്ടായിരുന്നു. 'എപ്പിസോഡ്-2'ലൂടെ അത് യാഥാര്‍ഥ്യമാവുകയാണ്.

പുതിയമോഡലിന്റെ സവിശേഷതകള്‍ സംബന്ധിച്ച് ഔദ്യോഗിക വെളിപ്പെടുത്തലുകള്‍ ഒന്നും കൊറിയന്‍ കമ്പനിയായ സാംസങ് നടത്തിയിട്ടില്ല. 'ചോര്‍ന്നുകിട്ടിയ വിവരം' എന്നപേരില്‍ ചിലകാര്യങ്ങള്‍ പ്രമുഖ ടെക് വെബ്‌സൈറ്റുകള്‍ പുറത്തുവിട്ടിട്ടുണ്ട്.

1920 X 1080 പിക്‌സല്‍ റെസല്യൂഷനോട് കൂടിയ 5.7 ഇഞ്ച് ഫ്ലെക്‌സിബിള്‍ ഒ.എല്‍.ഇ.ഡി. ഡിസ്‌പ്ലേ, മൂന്ന് ജി.ബി. റാം, എക്‌സിനോസ്-5 ഒക്ട ചിപ്പ്, 13 മെഗാ പിക്‌സല്‍ പിന്‍ക്യാമറ, ആന്‍ഡ്രോയിഡിന്റെ ഏറ്റവും പുതിയ ജെല്ലിബീന്‍ 4.3 ഓപ്പറേറ്റിങ് സിസ്റ്റം എന്നിവയാണ് ഇവയില്‍ ചിലത്.

നിലവിലുള്ള 4 ജി ഫോണുകളേക്കാള്‍ ഇരട്ടിവേഗം ലഭിക്കുന്ന 'എല്‍.ടി.ഇ. അഡ്വാന്‍സ്ഡ്' സംവിധാനവും പ്രതീക്ഷിക്കപ്പെടുന്നു. ഏറ്റവും നൂതനസങ്കേതങ്ങള്‍ ഉപയോഗിക്കുന്ന 'നോട്ട്-3'യുടെ വില സംബന്ധിച്ച് ഇതുവരെ ഒരു സൂചനയും പുറത്തുവന്നിട്ടില്ല.

എങ്ങനെ ഒരു സൊഫ്റ്റ്വരിന്റെ serial key ,patch,keygen.crack.എന്നിവകൾ കണ്ടുപിടിക്കാം?

ഹായ്,ഇന്ന് ഞാൻ ഇവിടെ പറയാൻ പോകുന്നത് ഒരു കുഞ്ഞു ടിപ്പാണ്.എങ്ങനെ ഒരു സൊഫ്റ്റ്വരിന്റെ serial key ,patch,keygen..എന്നിവകൾ കണ്ടുപിടിക്കാം എന്നതിനെ കുറിച്ചാണ്.ഒരു ചെറിയ കമാന്റ് ആണ് ഇതിനെ കണ്ടുപിടിക്കുന്നത്.
1.ആദ്യം google ൽ പോകണം 
2.ഈ കമാന്റ് "94fbr  ശേഷം നിങ്ങൾ ആഗ്രഹിച്ച സൊഫ്റ്റ്വരിന്റെ പേര്" ഇത് കമാൻഡ് ബാറിൽ നിങ്ങൾ ടൈപ്പ് ചെയ്യുക.
ഉദാഹരണത്തിന് :-
-94fbr internet download manager
-94fbr avast
-94fbr avira
-94fbr microsoft office(version no)
-94fbr windows 7

കമ്പ്യൂട്ടറുകളുടെ ചരിത്രം

കമ്പ്യൂട്ടർ എന്ന ആശയത്തിനു പിന്നീട് ഒരു തുടർച്ച ലഭിക്കുന്നത് അമേരിക്കയിലായിരുന്നു. അമേരിക്കൻ കോൺഗ്രസിൽ സ്റ്റേറ്റുകളുടെ പ്രാതിനിധ്യം മനസിലാക്കുവാനായി പത്തുവർഷത്തിലൊരിക്കൽ നടത്താറുള്ള സെൻസസ് പ്രക്രിയ 1870ൽ നടത്തിയത് വെറും ഒൻപത് മാസങ്ങൾ കൊണ്ടായിരുന്നു. എന്നാൽ ജനസംഖ്യയിലുണ്ടായ കടുത്ത വർദ്ധനവു മൂലം 1880 ൽ നടത്തിയ സെൻസസ് തീർക്കുവാനായി ഏകദേശം ഏഴര വർഷങ്ങൾ വേണ്ടി വന്നു.വർദ്ധിച്ച മാനുഷിക അദ്ധ്വാനത്തിന്റെ ആവശ്യകത മുൻ കൂട്ടി മനസിലാക്കിയ അമേരിക്കൻ സെൻസസ് ബ്യൂറോ  1890 ലെ സെൻസസ് പ്രക്രിയ ഓട്ടോമേറ്റ് ചെയ്യുന്നതിനായി ഒരു ബദൽ സംവിധാനത്തെക്കുറിച്ച് ആലോചനയിലായി. സെൻസസ് ബ്യൂറോയെ സഹായിക്കുവാനായി തക്ക സംവിധാനങ്ങൾ കണ്ടുപിടിക്കുന്നവർക്കായി ഒരു പാരിതോഷികവും ഏർപ്പാടു ചെയ്തു. ഹെർമൻ ഹോളറിത്ത് എന്ന ജർമ്മൻ-അമേരിക്കൻ സ്റ്റാറ്റിസ്റ്റീഷ്യൻ ആയിരുന്നു ഈ മത്സരത്തിലെ വിജയി. ജാക്വാർഡിന്റെ തറികളിൽ ഉപയോഗിച്ചിരുന്ന പഞ്ച് കാർഡ് സിസ്റ്റത്തെ കമ്പ്യൂട്ടേഷൻ ജോലികൾ ചെയ്യുവാൻ തക്കവിധം  പരിഷ്കരിച്ചെടുത്തതായിരുന്നു ഹെർമൻ ഹോളറിത്ത് വികസിപ്പിച്ചെടുത്ത ഹോളറിത്ത് ഡെസ്ക് എന്ന ഉപകരണം.

പഞ്ച് കാർഡുകളിലെ സുഷിരങ്ങൾ തിരിച്ചറിയുവാൻ കഴിയുന്ന ഒരു കാർഡ് റീഡറും ഒരു ഗിയർ നിയന്ത്രിത കൌണ്ടിങ്ങ് മെക്കാനിസവും, ഫലം പ്രദർശിപ്പിക്കുന്നതിനായി  ഒരു മരപ്പലകയിൽ ഉറപ്പിച്ച ഒരു കൂട്ടം ഡയലുകളും ചേർന്നതായിരുന്നു ഹോളറിത്ത് ഡെസ്കിന്റെ രൂപകൽപ്പന.

ജാക്വാർഡിന്റെ പഞ്ച് കാർഡുകളിലെ ഒരു ന്യൂനത അതിലെ സുഷിരങ്ങൾ കാർഡ് നിർമ്മിക്കുമ്പോൾ തന്നെ ഇടുന്നവയാണ് എന്നതാണ്. നമുക്കതിനെ ഇന്നത്തെ ടെർമിനോളജിയിൽ ‘റീഡ് ഒൺലി‘ (Read Only) എന്ന് വിളിക്കാം.നിർമ്മാണ സമയത്തു തന്നെ സുഷിരങ്ങൾ ഇട്ട് വരുന്നതിനാൽ ഇത്തരം പഞ്ച് കാർഡുകളിലെ പാറ്റേണുകൾ ഒരു നിശ്ചിത സന്ദർഭത്തിനനുസരിച്ച് മാറ്റുക സാധ്യമല്ല എന്നർഥം. എന്നാൽ ഹോളറിത്തിലെ പ്രതിഭ ഈ കാർഡുകളെ എങ്ങനെ ‘റീഡ്/റൈറ്റ് (Read/Write)’ ആക്കി മാറ്റാം എന്ന ആലോചനയിൽ ആയിരുന്നു. (അതായത് കാർഡുകൾ നിർമ്മിക്കുമ്പോൾ തന്നെ സുഷിരങ്ങൾ നൽകുന്നതിനു പകരം ഓരോ സന്ദർഭത്തിനനുസരിച്ച് ഓരോ രീതിയിലുള്ള പാറ്റേണിൽ സുഷിരങ്ങൾ ഇടുവാൻ തക്ക രീതിയിലാക്കുക).

ഒരിക്കൽ ട്രെയിനിൽ സഞ്ചരിക്കുമ്പോൾ അന്നു നിലവിലുണ്ടായിരുന്ന ടിക്കറ്റിങ്ങ് സമ്പ്രദായം ഹോളറിത്ത് നിരീക്ഷിക്കുകയുണ്ടായി. ടിക്കറ്റിങ്ങ് ഇൻസ്പെക്ടർ അയാളുടെ കൈവശമുള്ള പഞ്ചിങ്ങ് മെഷീനിൽ ടിക്കറ്റെടുക്കുന്ന ആളിന്റെ ഉയരം, വണ്ണം, നിറം, കണ്ണിന്റെ നിറം എന്നിവ നിരീക്ഷിച്ചശേഷം അതിനനുസരിച്ച് ടിക്കറ്റിൽ ചില നിശ്ചിത സ്ഥലങ്ങളിൽ സുഷിരങ്ങൾ ഇടുകയായിരുന്നു പതിവ്. ഒരാൾക്ക് നൽകിയ ടിക്കറ്റ് മറ്റൊരാൾ കൈവശപ്പെടുത്തിയാലും അതു തിരിച്ചറിയുന്നതിനു വേണ്ടിയായിരുന്നു ഇത്.

ഈ രീതിയുടെ സാധ്യതകൾ മനസിലാക്കിയ ഹോളറിത്ത് തന്റെ യന്ത്രത്തിൽ ഇതെങ്ങനെ പ്രാവർത്തികമാക്കാമെന്ന് ചിന്തിച്ചു. ഓരോ തവണ പഞ്ച് കാർഡുകൾ റീഡ് ചെയ്തു ലഭിക്കുന്ന വിവരങ്ങളും അവയിൽ നടത്തുന്ന ഗണിതക്രിയകൾ വഴി ലഭിക്കുന്ന ഉത്തരങ്ങൾക്കും അനുസൃതമായി പുതിയ കാർഡുകൾ പഞ്ച് ചെയ്യുവാനുള്ള ഒരു സാങ്കേതിക വിദ്യ ഇതിലൂടെ ഹോളറിത്ത് വിഭാവനം ചെയ്തു. അതായത് ഒരു കാർഡ് നിർമ്മിക്കുമ്പോൾ തന്നെ അതിൽ സുഷിരങ്ങൾ പഞ്ച് ചെയ്യുന്നതിനു പകരമായി, ഓരോ സന്ദർഭത്തിനും അതുവരെയുള്ള ഗണിത ക്രിയകളുടെ ഉത്തരങ്ങൾക്കുമനുസരിച്ച് ആവശ്യമായ പാറ്റേണിൽ കാർഡുകൾ പഞ്ച് ചെയ്യുക എന്നതായിരുന്നു ഈ വിദ്യയുടെ കാതൽ. എന്നാൽ ഇതേ സാങ്കേതിക വിദ്യ തന്നെ ചാൾസ് ബാബേജ് തന്റെ അനലറ്റിക്കൽ എഞ്ചിനുവേണ്ടി വളരെ മുൻപുതന്നെ വിഭാവനം ചെയ്തിരുന്നു. എന്നാൽ ഇതിനെ കുറിച്ച് ഹോളറിത്ത് ബോധവാനായിരുന്നില്ല എന്നതാണ് രസകരമായ വസ്തുത.

ഹോളറിത്ത് ഡെസ്ക് എന്ന ഉപകരണം വൻ വിജയമായി മാറുകയും 1890 ൽ ഈ ഉപകരണത്തിന്റെ സഹായത്തോടെ മൂന്ന് വർഷങ്ങൾ കൊണ്ട് സെൻസസ് തീർക്കുവാനും അതുവഴി അഞ്ച് മില്യണോളം ഡോളർ ലാഭിക്കുവാനും അമേരിക്കൻ സെൻസസ് ബ്യൂറോക്ക് കഴിഞ്ഞു.

ഹോളറിത്ത് പിന്നീട് ടാബിലേറ്റിങ്ങ് മെഷീൻ കമ്പനി എന്ന ഒരു വ്യവസായശാല  രൂപീകരിച്ച് ഹോളറിത്ത് ഡെസ്കുകൾ വ്യാവസായിക അടിസ്ഥാനത്തിൽ നിർമ്മിക്കുവാൻ ആരംഭിച്ചു. ഹെർമൻ ഹോളറിത്ത് ആരംഭിച്ച ഈ വ്യവസായ സംരഭമാണ് ഒട്ടേറേ കൈമാറ്റങ്ങൾക്ക് ശേഷം പിന്നീട് ഇന്റർനാഷണൽ ബിസിനസ് മെഷീൻസ് അധവാ ഐ.ബി.എം (IBM) എന്ന, കമ്പ്യൂട്ടർ രംഗത്തെ അതികായനായി വളർന്നത്.

ഐ.ബി.എം എന്നത് കമ്പ്യൂട്ടർ രംഗത്ത് ഒഴിച്ചുകൂടാനാവാത്ത ഒരു നാമമായി മാറി. ഐ.ബി.എമ്മിന്റെ ദ്രുതഗതിയിലുള്ള വളർച്ചയോടെ പഞ്ച് കാർഡുകൾ അമേരിക്കൻ  ജീവിതത്തിന്റെ നാനാ മേഖലകളിലും സ്ഥാനം ഉറപ്പിക്കുകയായിരുന്നു.  ഉദാഹരണത്തിന് ഇലക്ടിസിറ്റി,ഗ്യാസ്,വെള്ളം എന്നിവയുടെ ബില്ലുകൾ പഞ്ച് കാർഡുകൾ മുഖാന്തിരം ഓട്ടോമേറ്റ് ചെയ്യപ്പെട്ടു. ഹൈവേ ടോൾ ഗേറ്റുകളിൽ  കരം പിരിക്കുന്നതിനായി പഞ്ച് കാർഡ് സംവിധാനങ്ങൾ  അവതരിപ്പിച്ചു. ഇലക്ഷൻ ബാലറ്റ് പേപ്പറുകൾ പഞ്ച് കാർഡിനു വഴിമാറി, അമേരിക്കൻ ഫെഡറൽ ഏജൻസി വഴി നൽകിയിരുന്ന സോഷ്യൽ സെക്യൂരിറ്റി ചെക്കുകൾ ഉൾപ്പെടെയുള്ള എല്ലാ സാമ്പത്തിക ഇടപാടുകളിലും പഞ്ച് കാർഡ് സംവിധാനങ്ങൾ അവതരിപ്പിക്കപ്പെട്ടു.

1847 ൽ ബ്രിട്ടീഷ് ഗണിതശാസ്ത്രജ്ഞനായ ജോർജ് ബൂൾ (George Bool) , ബൂളിയൻ ആൾജിബ്ര എന്ന ഗണിത ശാസ്ത്രത്തിലെ ഒരു പുതിയ ശാഖയ്ക്ക് രൂപം നൽകിയിരുന്നു. വിപ്ലവകരമായ ഒരു കണ്ടുപിടുത്തമായിരുന്നിട്ടു കൂടി ബൂളിയൻ ആൾജിബ്രയ്ക്ക് ആ കാലഘട്ടത്തിൽ വേണ്ടത്ര അംഗീകാരമോ പ്രശസ്തിയോ കിട്ടിയിരുന്നില്ല. പിന്നീട് നൂറു വർഷങ്ങൾക്കിപ്പുറം 1938 ൽ ക്ലോഡ് ഷാനോൺ (Claude Shannon) എന്ന എൻഞ്ചിനിയർ ബൂളിയൻ ആൾജിബ്രയുടെ പ്രാധാന്യം മനസിലാക്കുകയും രണ്ട് സ്റ്റേറ്റുകൾ (two-state) മാത്രമുള്ള ഇലക്ട്രിക്ക് സർക്യൂട്ടുകളിൽ ഇതിനെ ഫലവത്തായി എങ്ങനെ ഉപയോഗിക്കാം എന്നതിനെ കുറിച്ച് ഗവേഷണം നടത്തുകയും ചെയ്തു.

ലാപ്‌ടോപ്പിന്റെ 'ഉപജ്ഞാതാവ്' ബില്‍ മോഗ്രിഡ്ജ് അന്തരിച്ചു

ആദ്യ ലാപ്‌ടോപ്പ് രൂപകല്‍പ്പന ചെയ്ത പ്രമുഖ ബ്രിട്ടീഷ് ഇന്‍ഡസ്ട്രിയല്‍ ഡിസൈനര്‍ ബില്‍ മോഗ്രിഡ്ജ് (69) അന്തരിച്ചു. 1979 ല്‍ മോഗ്രിഡ്ജ് രൂപകല്‍പ്പന ചെയ്ത 'ഗ്രിഡ് കോംപസ്സ്' (GRiD Compass) ആണ് ലാപ്‌ടോപ്പ് യുഗത്തിന് തുടക്കം കുറിച്ചത്. 

അര്‍ബുദബാധിതനായിരുന്ന മോഗ്രിഡ്ജ്, സപ്തംബര്‍ എട്ടിന് സാന്‍ ഫ്രാന്‍സിസ്‌കോയിലെ ഒരു പരിചരണകേന്ദ്രത്തില്‍ വെച്ചാണ് വിടവാങ്ങിയതെന്ന് മകന്‍ അലക്‌സ് മോഗ്രിഡ്ജ് അറിയിച്ചു. 

കീബോര്‍ഡിന് മേല്‍ സ്‌ക്രീന്‍ മടക്കിവെയ്ക്കാവുന്ന വിധത്തിലുള്ള ലാപ്‌ടോപ്പുകളുടെ 'ക്ലാംഷെല്‍' ഡിസൈന്‍ ആവിഷ്‌ക്കരിക്കുകയാണ് മോഗ്രിഡ്ജ് ചെയ്തത്. ആ ഡിസൈന്‍ ഉപയോഗിച്ച് നിര്‍മിച്ച ആദ്യ ലാപ്‌ടോപ്പ് ആണ് ഗ്രിഡ് കോംപസ്.

സിലിക്കണ്‍ വാലിയിലെ ഗ്രിഡ് സിസ്റ്റംസ് കോര്‍പ്പറേഷനുവേണ്ടി രൂപകല്‍പ്പന ചെയ്ത ഗ്രിഡ് കോംപസ് ആദ്യം ഉപയോഗിച്ചത് അമേരിക്കന്‍ സൈന്യമാണ്. ഡിസ്‌കവറി ബഹിരാകാശ പേടകത്തിലും അത് ഘടിപ്പിച്ചു. 

ഗ്രിഡ് കോംപസ് കമ്പ്യൂട്ടറുകള്‍ 1982 ല്‍ ആദ്യമായി വിപണിയിലെത്തി. 8150 ഡോളര്‍ (ഏതാണ്ട് നാലരലക്ഷം രൂപ) ആയിരുന്നു വില. ആപ്പിളിന്റെ ഐതിഹാസിക ഡെസ്‌ക് ടോപ്പ് കമ്പ്യൂട്ടറായ 'മകിന്റോഷ്' പുറത്തുവന്നതിനും രണ്ടുവര്‍ഷം മുമ്പായിരുന്നു അത്. 

ആറിഞ്ച് വലിപ്പത്തില്‍, കറുപ്പില്‍ മഞ്ഞ നിറത്തിലുള്ള ഡിസ്‌പ്ലെയും, കീബോര്‍ഡും ഉള്ളതായിരുന്നു ഗ്രിഡ് കോംപസ്. ബ്രീഫ്‌കേസില്‍ ഒറ്റ യൂണിറ്റായി മടക്കിവെയ്ക്കാന്‍ പറ്റുന്നതായിരുന്നു ആ കമ്പ്യൂട്ടര്‍. 

ലാപ്‌ടോപ്പുകള്‍ ഇന്നും പിന്തുടരുന്നത് മോഗ്രിഡ്ജ് ആവിഷ്‌ക്കരിച്ച 'ക്ലാംഷെല്‍' ഡിസൈന്‍ തന്നെയാണ്. 2008 ല്‍ ആദ്യമായി വില്‍പ്പനയില്‍ ഡെസ്‌ക് ടോപ്പ് കമ്പ്യൂട്ടറുകളെ ലാപ്‌ടോപ്പുകള്‍ പിന്തള്ളി.

വിന്‍ഡോസ് 8 ലേക്ക് ആന്‍ഡ്രോയിഡ് ആപ്‌സ്‌

മൈക്രോസോഫ്റ്റിന്റെ വിന്‍ഡോസ് 8. ഗൂഗിളിന്റെ ആന്‍ഡ്രോയിഡ്. രണ്ടും രണ്ട് ലോകങ്ങള്‍. അതുകൊണ്ട് വിന്‍ഡോസ് 8 ല്‍ ആന്‍ഡ്രോയിഡ് ആപ്ലിക്കേഷനുകള്‍ പ്രവര്‍ത്തിക്കുമെന്നറിയുമ്പോള്‍ പലര്‍ക്കും വിശ്വാസം വരില്ല. പക്ഷേ, സംഭവം ശരിയാണ്. 

വിന്‍ഡോസ് 8 ല്‍ പ്രവര്‍ത്തിക്കുന്ന കുറെ ലാപ്‌ടോപ്പുകളിലും പി.സി.കളിലുമെങ്കിലും ആന്‍ഡ്രോയിഡ് ആപ്‌സ് പ്രവര്‍ത്തിക്കുമെന്നാണ് പുതിയ റിപ്പോര്‍ട്ട്. എ.എം.ഡി.(AMD) ചിപ്പുകളില്‍ പ്രവര്‍ത്തിക്കുന്ന വിന്‍ഡോസ് 8 ഉപകരണങ്ങള്‍, ആന്‍ഡ്രോയിഡ് ആപ്‌സിന് വേണ്ടി ഓപ്ടിമൈസ് ചെയ്തായിരിക്കും വിപണിയിലെത്തുക.

ബ്ലൂസ്റ്റാക്‌സ് (Bluestacks) എന്ന സോഫ്ട്‌വേര്‍ കമ്പനിയും എ.എം.ഡി.യും തമ്മിലുള്ള സഹകരണമാണ്, വിന്‍ഡോസ് 8 ഉപകരണങ്ങളില്‍ ആന്‍ഡ്രോയിഡ് ആപ്‌സ് പ്രവര്‍ത്തിക്കാന്‍ അവസരമൊരുക്കുക. 

ഇരുകമ്പനികളും തമ്മിലുള്ള സഹകരണത്തിന്റെ ഫലമായി അഞ്ചു ലക്ഷം ആപ്‌സ് (apps) വിന്‍ഡോസ് 8 കമ്പ്യൂട്ടറുകളില്‍ പ്രവര്‍ത്തിക്കാനുള്ള സാഹചര്യമാണൊരുങ്ങുക. അതില്‍ കൂടുതലും ആന്‍ഡ്രോയിഡ് ആപ്ലിക്കേഷനുകളാണ്.

എ.എം.ഡി.യുടെ 'ആപ്‌സോണ്‍' (AppZone) പ്ലെയര്‍ വഴിയാകും വിന്‍ഡോസ് 8 ഉപകരണങ്ങളില്‍ ആന്‍ഡ്രോയിഡ് ആപ്‌സ് ലഭ്യമാകുക. ബ്ലൂസ്റ്റാക്‌സ് നിര്‍മിക്കുന്ന ഒരു സോഫ്ട്‌വേര്‍ കോഡാണ് മൊബൈല്‍ ഫോണ്‍ പ്രോഗ്രാമുകളെ ഡെസ്‌ക് ടോപ്പുകളിലും ലാപ്‌ടോപ്പുകളിലും ടാബ്‌ലറ്റുകളിലും പ്രവര്‍ത്തിക്കാന്‍ പ്രാപ്തമാക്കുക. 

മൊബൈല്‍ ഫോണുകളുടെ ചെറുസ്‌ക്രീനുകള്‍ക്കായി നിര്‍മിക്കുന്ന ആപ്‌സ്, ദൃശ്യഭംഗിയോടെ വലിയ സ്‌ക്രീനുകളില്‍ പ്രവര്‍ത്തിക്കാന്‍ പാകത്തില്‍ എ.എം.ഡി. അതിന്റെ ചിപ്പുകളെ ഓപ്ടിമൈസ് ചെയ്യും. 

ടാബ്‌ലറ്റുകള്‍ പോലുള്ള മൊബൈല്‍ ഉപകരണങ്ങള്‍ക്കും ഡെസ്‌ക്‌ടോപ്പുകള്‍ക്കും ലാപ്‌ടോപ്പുകള്‍ക്കും യോജിച്ച വിധമാണ് വിന്‍ഡോസ് 8 ന് മൈക്രോസോഫ്റ്റ് രൂപംനല്‍കുന്നത്. ആ ഒ.എസിനായി ആപ്ലിക്കേഷന്‍ ഇക്കോസിസ്റ്റം രൂപപ്പെടുത്താനുള്ള ശ്രമവും മൈക്രോസോഫ്റ്റ് തുടരുകയാണ്. 

ആന്‍ഡ്രോയിഡിന്റെ തലപ്പത്ത് ഇന്ത്യക്കാരന്‍

ലോകത്തെ ഏറ്റവും വലിയ മൊബൈല്‍ പ്ലാറ്റ്‌ഫോമിന്റെ ചുമതല ഇനി ഇന്ത്യന്‍ എന്‍ജിനിയറായ സുന്ദര്‍ പിച്ചയ് വഹിക്കും. ഗൂഗിളിന്റെ ആന്‍ഡ്രോയിഡ് പ്ലാറ്റ്‌ഫോമിന്റെ ചുമതല ആന്‍ഡി റൂബിന്‍ ഒഴിയുകയാണ്. ആ പദവിയിലേക്കാണ് ഇതുവരെ 'ക്രോം ആന്‍ഡ് ആപ്‌സ്' പദ്ധതികളുടെ മേല്‍നോട്ടം വഹിച്ചിരുന്ന സുന്ദര്‍ പിച്ചയിനെ ഗൂഗിള്‍ നിയമിച്ചിരിക്കുന്നത്.

നിലവിലുള്ള ചുമതലയ്ക്ക് പുറമേ, ആന്‍ഡ്രോയിഡിന്റെ നേതൃത്വം കൂടി സുന്ദര്‍ പിച്ചായ് വഹിക്കുമെന്ന്, ഗൂഗിള്‍ സി.ഇ.ഒ. ലാറി പേജ് അറിയിച്ചു. തമിഴ്‌നാട്ടില്‍ ജനിച്ച സുന്ദര്‍ പിച്ചയ്, ഖരഗ്പൂര്‍ ഐ.ഐ.ടി.യില്‍ നിന്നാണ് ബിരുദം നേടിയത്. 

എളുപ്പത്തില്‍ ഉപയോഗിക്കാവുന്ന, അതേസമയം സാങ്കേതികമായി ഉജ്ജ്വലമായ ഉത്പന്നങ്ങള്‍ക്ക് രൂപംകൊടുക്കുന്നതില്‍ സുന്ദര്‍ പിച്ചയ്യിനുള്ള വൈഭവം ലാറി പേജ് എടുത്തു പറഞ്ഞു. ക്രോം തന്നെ അതിന് ഉദാഹരണമായി അദ്ദേഹം ചൂണ്ടിക്കാട്ടി. '2008 ല്‍ ആളുകള്‍ ചോദിച്ചു, ഇനി വേറൊരു ബ്രൗസര്‍ വേണോ എന്ന്'. 

ഇന്ന് ലോകത്ത് ഏറ്റവും കൂടുതലാളുകള്‍ ഉപയോഗിക്കുന്ന ബ്രൗസറുകളിലൊന്നാണത്. 'വേഗം, ലാളിത്യം, സുരക്ഷ - ഈ മൂന്ന് കാരണങ്ങളാണ് ലക്ഷക്കണക്കിന് യൂസര്‍മാരെ ക്രോമിലേക്ക് ആകര്‍ഷിച്ചത്' -ലാറി പേജ് ചൂണ്ടിക്കാട്ടി. 

75 കോടി ആന്‍ഡ്രോയിഡ് ഉപയോക്താക്കള്‍ നിലവിലുണ്ടെന്നാണ് കണക്ക്. ലോകത്തെ ഏറ്റവും വലിയ മൊബൈല്‍ പ്ലാറ്റ്‌ഫോമായി ഏതാനും വര്‍ഷങ്ങള്‍കൊണ്ട് ആന്‍ഡ്രോയിഡിനെ മാറ്റിയ ആന്‍ഡി റൂബിന്റെ സ്ഥാനത്തേക്ക് എത്തുമ്പോള്‍, 40-കാരനായ സുന്ദര്‍ പിച്ചയ്യിയെ കാത്തിരിക്കുന്നത് കടുത്ത വെല്ലുവിളികളാണ്.

2004 ലാണ് സുന്ദര്‍ പിച്ചയ് ഗൂഗിളില്‍ ചേര്‍ന്നത്. ഗൂഗിള്‍ ക്രോം, ഗൂഗിള്‍ ക്രോം ഒഎസ് എന്നിവ മാത്രമല്ല, ഗൂഗിള്‍ ഡ്രൈവിന് പിന്നിലും സുന്ദര്‍ പിച്ചയ്യുടെ നേതൃത്വമാണ് ഉണ്ടായിരുന്നത്. ജിമെയില്‍, ഗൂഗിള്‍ മാപ്‌സ് തുടങ്ങി വിവിധ ആപ്ലിക്കേഷനുകള്‍ വികസിപ്പിക്കുന്നതിനും അദ്ദേഹം മേല്‍നോട്ടം വഹിച്ചു. 

മെറ്റലര്‍ജിക്കല്‍ ആന്‍ഡ് മെറ്റീരിയല്‍സ് എന്‍ജിനിയറിങ് പഠിച്ച സുന്ദര്‍ പിച്ചയ്, 1993 ല്‍ ഖരഗ്പൂര്‍ ഐ.ഐ.ടി.യില്‍ നിന്നാണ് ബിരുദം നേടിയത്. പിന്നീട് സ്റ്റാന്‍ഫഡ് സര്‍വകലാശാലയില്‍ എന്‍ജിനിയറിങില്‍ ബിരുദാനന്തര ബിരുദത്തിന് ചേര്‍ന്നു. ഒപ്പം വാര്‍ട്ടന്‍ സ്‌കൂള്‍ ഓഫ് ബിസിനസില്‍ നിന്ന് ബിസിനസ് അഡ്മിനിസ്‌ട്രേഷനിലും ബിരുദാനന്തര ബിരുദം നേടി. 

നിലവില്‍ ആന്‍ഡ്രോയിഡുമായി നേര്‍ക്കുനേര്‍ മത്സരിക്കുന്നത് ആപ്പിള്‍ ഐഫോണ്‍ മാത്രമാണ്. അതിവേഗം വളരുന്ന മൊബൈല്‍ രംഗത്തേക്ക് മൈക്രോസോഫ്റ്റും ശക്തമായി രംഗത്തെത്തിക്കഴിഞ്ഞു. കൂടാതെ, ഉബുണ്ടു, ഫയര്‍ഫോക്‌സ് തുടങ്ങിയവയും ആന്‍ഡ്രോയിഡിന് വെല്ലുവിളി ഉയര്‍ത്താന്‍ താമസിയാതെ രംഗത്തെത്തും. മത്സരത്തിന്റെ ഈ പുതിയ ലോകത്ത് ആന്‍ഡ്രോയിഡ് ഇക്കോസിസ്റ്റത്തെ മുന്‍നിരയില്‍ നിര്‍ത്തുകയെന്ന ഭാരിച്ച ഉത്തരവാദിത്വമാണ് സുന്ദര്‍ പിച്ചയ്യിനെ കാത്തിരിക്കുന്നത്.